اسناني الوسطي بالفك السفلي بقت متخلخة

مركز أسنان الدولي

 

https://www.assnan.com

السلام عليكم ورحمة الله وبركاتة
برجاء الافاده في حالتي
اسمي احمد وسني 25 سنة
وكنت بعاني من مشكلة ان اسناني راكبة علي بعضها فعملت تقويم بدأ الدكتور بتركيب الجهاز في الفك السفلي في شهر 4 سنة 2011
المشكلة بقي ان الدكتور اللي متابع حالتي فك الواير بتاع التقويم لما لقي تراكم جير علي اسناني وطلب مني اعمل تنظيف عشان فية خطورة علي اسناني
وبعد ما عملت التنظيف طلب مني عمل اشعة بانوراما ع الفكين
عملتها وقالليي ان عندي انسحاب في اللثة والتهاب في عظام الفك السفلي بسبب الجير
وعمللي تنظيف جراحي ب7400 جنية
وسابني فتره اريح
وبعد كده لما شافني قاللي بردو اسنانك متلخلخة وفي خطورة جدا اني اكمل التقويم في الجزء اللي تحت ده
وفك جهاز التقويم وقاللي اني محتاج اعمل زراعة عظام في الفك السفلي عشان اسناني متلخلخة وده خطر عليا
وبعد كده هنكمل شغل التقويم
وانا حاسس ان الدكتور هو سبب اللي انا وصلتلة بسبب اهمالة
لية اهماله
لأني بروحلة كل شهر للمتابعة وحسسني ان الجير دا ظهر فجأه
تاني حاجة انا عندي اسناني الجزء السفلي بقت واسعة عن بعضها (كل سنة واقفة لوحدها)
وكمان مش واثق من طريق علاجة وموضوع التنظيف اللي اخد علية فلوس كتير وكمان لسة مش عارف اية موضوع زراعة العظام دا كمان
ارجو منك النصيحة والارشاد